Սիվիլիթաս հիմնադրամն այսօր ընդունեց Հայաստանում հավատարմագրված դիվանագիտական ներկայացուցիչներին` նրանց ներկայացնելով հիմնադրամի չորրորդ տարեկան զեկույցը: «Հայաստան 2011. առանց պատրանքների» զեկույցը 2011 թվականն ամփոփող քաղաքական, տնտեսական և տարածաշրջանային զարգացումներին առնչվող փաստերի և վերլուծությունների համադրություն է:
Ռումինիայի, ԱՄՆ-ի, Միացյալ Թագավորության, Գերմանիայի, Ֆրանսիայի, Հունաստանի, Սիրիայի, Իրանի, Ուկրաինայի, Շվեյցարիայի, Հնդկաստանի դիվանագիտական ներկայացուցչությունների, ինչպես նաև Եվրոպայի խորհրդի ներկայացուցչության ղեկավարը ծանոթացան Սիվիլիթաս հիմնադրամի ծրագրերին: Հիմնադրամի տնօրեն Սալբի Ղազարյանը նրանց հատուկ ուշադրությունը հրավիրեց իրականացվող մեդիա ծրագրերի վրա` Սիվիլնեթ ինտերնետային հեռուստատեսության և Օրակարգ տնտեսական օրաթերթի: Նա կարևորեց լրատվամիջոցների դերը առաջիկա խորհրդարանական ընտրությունների ազատ և արդար անցկացման գործում:
Սիվիլիթասի հիմնադիր Վարդան Օսկանյանը ողջունեց դիվանագետներին և նշեց, որ հիմնադրամը շարունակելու է քաղաքացիական հասարակությանն աջակցելու և նրա մասնակցությունը Հայաստանի հասարակաական-քաղաքական կյանքում մեծացնելու գործը:
Գյումրիի «Արևամանուկ» կենտրոնում հունվարի 24-ին Սիվիլիթաս հիմնադրամը ներկայացրեց «Հայաստան 2011. առանց պատրանքների» տարեկան զեկույցը՝ հայերեն և անգլերեն լեզուներով: Զեկույցի ներկայացումից հետո տեղի ունեցավ հանրային քննարկում «Գյումրի. քաղաքական և տնտեսական ապակենտրոնացման հեռանկարը» թեմայով, որին մասնակցեցին Շիրակի մրցունակության կենտրոնի գործադիր տնօրեն Գայանե Ավագյանը, Գյումրիի «Ասպարեզ» ակումբի նախագահ Լևոն Բարսեղյանը, «Շիրակ» կենտրոնի նախագահ Վահան Թումասյանը և «ԳԱԼԱ» հեռուստաընկերության լրագրող-մեկնաբան Դերենիկ Մալխասյանը:
Երրորդ տարին անընդմեջ Սիվիլիթաս հիմնադրամը իր տարեկան զեկույցը ներկայացրեց Լեռնային Ղարաբաղում, որին անմիջապես հետևեց հանրային քննարկում «Արցախը 2012-ին. հանրության ակնկալիքները» թեմայով: Միջոցառումը, ինչպես և նախորդ տարի, անցկացվեց Արցախի Արտաքին քաղաքականության և անվտանգության հանրային խորհուրդի հետ համագործակցաբար: 
Սիվիլիթաս հիմնադրամը դեկտեմբերի 29-ին Երևանի Գոլդն Թյուլիփ հյուրանոցում անցկացրեց իր հերթական տարեվերջյան քննարկումը և ներկայացրեց «Հայաստան 2011. առանց պատրանքների» զեկույցը։
Հայաստանում ԱՄՆ նախկին դեսպան Ջոն Մարշալ Էվանսը, «Սիվիլիթաս» հիմնադրամի կազմակերպած «Հարյուր հարց, հարյուր պատասխան» շարքի հերթական քննարկման ժամանակ պատասխանելով այն հարցին, թե 1-10 բալանոց սանդղակով որքան կգնահատի Հայաստանի ժողովրդավարությունը, ասաց. «Ես հաճույքով կանդրադառնայի այդ հարցին այն չափանիշներով, որոնց վրա հիմնվում է «Հազարամյակի մարտահրավերներ» կորպորացիան»։
Սիվիլիթաս հիմնադրամը երեկ քննարկում էր կազմակերպել "Անկախության քսան տարիները Հայաստանում և տարածաշրջանում" թեմայով: Հյուրերն էին Հայաստանում Գերմանիայի դեսպան Հանս-Յոխեն Շմիդտը և Հայաստանում ԱՄՆ նախկին դեսպան Ջոն Էվանսը: Դեսպանների խոսքից որոշ մեջբերումներ ներկայացված են ստորև:
Հանրահայտ երաժիշտ և երգահան Սերժ Թանգյանը նաև աչքի ընկնող քաղաքացիական ակտիվիստ է: 
Այս սեպտեմբերին Սիվիլիթաս հիմնադրամը կյանքի է կոչելու ևս երեք նոր նախաձեռնություն՝ հեռուստատեսային հեռարձակում համացանցով, օրաթերթի հրատարակություն, ինչպես նաև՝ հանրային հարցումների անցկացում: Համացանցով հեռարձակումը նպատակ ունի լրացնել հետազոտության վրա հիմնված վերլուծության բացը, որ այսօր կա հայկական լրատվական դաշտում: Երկլեզու՝ հայերենով ու անգլերենով հեռարձակվող ՍիվիլՆեթը ամենօրյա ռեժիմով լուսաբանելու է Հայաստանի ներքին կյանքը, տարածաշրջանային զարգացումները, ինչպես նաև՝ միջազգային իրադարձությունները:
Կովկասում աշխարհաքաղաքականության 20 տարիները» խորագրով Սիվիլիթասի հանրային քննարկումը հյուրընկալել էր Կովկասի հարցերով հայտնի երեք փորձագետների: Քննարկումը, որ ծավալվեց վերջին երկու տասնամյակում Հայաստանի և նրա հարևանների աշխարհաքաղաքականության շուրջ, տեղի ունեցավ Երևանի «Անի պլազա» հյուրանոցում, հունիսի 22-ին:
Հայաստանի արդարադատության նախարար Հրայր Թովմասյանը Սիվիլիթասի հիմնադրամի «100 հարց, 100 պատասխան» հանրային քննարկման ընթացքում հայտարարեց, որ «արդարադատությունը պետք է հասարակական պահանջ լինի»: 
