Համագործակցության և զարգացման շվեյցարական գործակալության (SDC) ԱՊՀ գրասենյակի պատվիրակությունը այցել
| Այցելություն |
Սիվիլիթաս այցելեցին Համագործակցության և զարգացման շվեյցարական գործակալության (SDC) ԱՊՀ գրասենյակի ղեկավարի տեղակալ Վերոնիկ Հալմանը, ծրագրերի պատասխանատու Սիբիլ Շուլցը և կազմակերպության Կովկասի տարածաշրջանային տնօրեն Դերեկ Մյուլլերը: Պատվիրակության կազմում էր նաև Ազգային ծրագրերի ավագ պատասխանատու Զառա Ալավերդյանը: Ամբողջությամբ
Սիվիլիթասի աշխատակազմի հետ հանդիպման ընթացքում գործակալության ներկայացուցիչները քննարկեցին համագործակցության որոշակի ոլորտներ գյուղական շրջանների տնտեսական զարգացման ծրագրերի շրջանակներում:
Սիվիլիթասի հիմնադիր Վարդան Օսկանյանը խոսեց երկու տարի առաջ Շվեյցարիայի ԱԳ նախարար Միշելին Քալմի-Ռեյի հետ կայացած հանդիպման մասին, որի ընթացքում նրանք քննարկել էին Հայաստանի գյուղական շրջանների զարգացման խնդիրները: Նա մանրամասնեց, որ Սիվիլիթաս հիմնադրամի Ժողովրդավարություն և զարգացում նախաձեռնության շրջանակներում Սիվիլիթասը ուշադրություն կդարձնի գյուղատնտեսական ծրագրերի աջակցմանը` նպատակ ունենալով նպաստել գյուղացիների բարեկեցիկ կյանքի ապահովմանը, հատկապես սահմանամերձ գյուղերում:
Սիվիլիթասի տնօրեն Սալբի Ղազարյանը նշեց, որ Հայաստանում Սիվիլիթասը կհամագործակցի այնպիսի հաստատությունների հետ ինչպիսին է Հայաստան համահայկական հիմնադրամը, գյուղերում բազմակողմանի ծրագրեր իրականացնելու համար, կփնտրի գործընկերներ հարևան երկրներում արդյունավետ սահմանամերձ ծրագրեր իրականացնելու համար:
Սիվիլիթասի խորհրդի անդամ Վահե Աղաբեկյանցը ներկայացրեց Սփյուռքի համայնքների և միջազգային կազմակերպությունների հետ համագործակցության ոլորտները: Նա հույս հայտնեց, որ համագործակցության բազմաթիվ հնարավորություններ կլինեն Շվեյցարական զարգացման գործակալության նման միջազգային կազմակերպությունների, ինչպես նաև Իրանի և Վրաստանի սհամանային սփյուռքահայ համայնքների հետ:
Բնակչության մասը, որ իր ներկա և ապագա կյանքը համարում է տառապալից - 2011 հարցում
| Հայաստան | 35% |
| Ադրբեջան | 18% |
| Վրաստան | 28% |
| Սլովակիա | 12% |
| Ռուսաստան | 19% |
| Կանադա | 1% |
 |
Առողջ քաղաքական բանավեճ
Ծրագրի նպատակն է աջակցել հայ հասարակության ներսում քաղաքացիական դիրքորոշումների դրսևորմանը` խրախուսելով առողջ քաղաքական բանավեճ երկրի կարևորագույն զարգացումների շուրջ, քննարկումների շարքերի միջոցով:
Ծրագրի նպատակն է աջակցել հայ հասարակության ներսում քաղաքացիական դիրքորոշումների դրսևորմանը` խրախուսելով առողջ քաղաքական բանավեճ երկրի կարևորագույն զարգացումների շուրջ, քննարկումների շարքերի միջոցով: |
Սիվիլիթաս հիմնադրամը հրավիրում է
«Հակամարտություններ և պատմության
դասագրքեր»
թեմայով քննարկմանը:
Քննարկումը կվարի
Սիվիլիթաս հիմնադրամի տնօրեն
Սալբի Ղազարյանը
Քննարկումը տեղի կունենա
Մայիսի 22-ին, ժամը 14:00-ին
Երևան հյուրանոցի Ռոսինի սրահում:
Մասնակցությունը միայն նախնական գրանցումով՝
010 500 119:
