Յոհաննես Ռեգենբրեխտը այցելեց Սիվիլիթաս
| Այցելություն |
Գերմանիայի արտաքին գործերի նախարարության Հարավային Կովկասի և Կենտրոնական Ասիայի վարչության ղեկավար պրն Յոհաննես Ռեգենբրեխտը, ՀՀ-ում Գերմանիայի արտակարգ և լիազոր դեսպան տկն Անդրեա Վիկտորինի ուղեկցությամբ այցելեց Սիվիլիթաս:
Սիվիլիթասի հիմնադիր, նախկին արտգործնախարար Վարդան Օսկանյանի հետ հանդիպման ընթացքում պրն Ռեգենբրեխտը անդրադարձավ մի շարք խնդիրների` Հայաստանի ներքաղաքական իրավիճակից, միչև տարածաշրջանային խնդիրները:
Խոսելով Հայաստանի ներքաղաքական իրավիճակի մասին, պրն Օսկանյանը նշեց որ իրավիճակը դեռ լարված է և որ կողմերը բավարար քայլեր չեն ձեռնարկում այդ լարվածությունը թուլացնելու համար: Պրն Օսկանյանը շեշտեց, որ մարտի 1-ից ընդդիմության ներկայացուցիչների ազատազրկման հետ կապված խնդրին որևէ լուծում տալը կմեղմեր իրավիճակը:
Արդյոք Սիվիլիթաս հիմնադրամը անդրադառնալու է նման խնդիրներին հարցին պատասխանելով, Վարդան Օսկանյանը արձագանքեց, որ Սիվիլիթասի հիմնական նպատակներից է բաց և կառուցողական քննարկումներ կազմակերպելը տարբեր խնդիրների վերաբերյալ, ինչպիսիք են մարդու իրավունքները, քաղաքացիական ազատությունները, մամուլի ազատությունը և այլ կարևոր բաղադրիչներ, որ ձևավորում են քաղաքացիական հասարակությունը:
Հյուրերը նաև հետաքրքրված էին Սիվիլիթասի այլ ծրագրերով: Նրանք համառոտ տեղեկություն ստացան Սիվիլիթաս հիմնադրամի երկու հիմնական ծրագրերի մասին` Միջազգային հարաբերությունների խորհրդի և Ժողովրդավարություն և զարգացում նախաձեռնության:
Անդրադառնալով տարածաշրջանային խնդիրներին, պրն Օսկանյանը նշեց, որ վերջերս Ռուսաստանի և Վրաստանի միջև տեղի ունեցած հակամարտությունը մի կողմից բարդ իրավիճակի մեջ դրեց Հայաստանը, բայց մյուս կողմից նոր պատուհան բացեց տարածաշրջանային խնդիրները ավելի լայն դիտարկելու և տարածաշրջանում Հայաստանի ապագա դերի համար:
Պրն Օսկանյանը կրկնեց իր կոչը, որ հրապարակել էր ռուս-վրացական հակամարտությունից անմիջապես հետո` դաշինքներից զերծ Կովկասի մասին, որտեղ ներկայացված չեն լինի մրցակցող անվտանգության դաշինքները: Նա նշեց, որ հետկոնֆլիկտային Վրաստանի վերակառուցման այս շրջանը հնարավորություններ է ընձեռնում Արևմուտքին մտածելու ավելի լայն տարածաշրջանային ենթակառուցվածքային և ինստիտուցիոնալ զարգացման ծրագրերի մասին` Կովկասում երկարաժամկետ կայունություն ապահովելու համար:
Բնակչության մասը, որ իր ներկա և ապագա կյանքը համարում է տառապալից - 2011 հարցում
| Հայաստան | 35% |
| Ադրբեջան | 18% |
| Վրաստան | 28% |
| Սլովակիա | 12% |
| Ռուսաստան | 19% |
| Կանադա | 1% |
 |
|
Ծրագրի ընդհանուր նպատակը Մեղրիի հեռավոր սահմանամերձ գյուղերում բնակչության ջրամատակարարման բարելավումն է: Ծրագրի հատուկ նպատակն է Ալվանք և Շվանիձոր համայնքներում ստորգետնյա ջրամատակարարման համակարգերի` քահրիզների վերանորոգումն ու վերակառուցումը, ինչպես նաև դրանց հետագա պահպանման համար մասնագետների պատրաստումն ու համայնքների ներգրավումը այդ գործում:
|
Սիվիլիթաս հիմնադրամը հրավիրում է
«Հակամարտություններ և պատմության
դասագրքեր»
թեմայով քննարկմանը:
Քննարկումը կվարի
Սիվիլիթաս հիմնադրամի տնօրեն
Սալբի Ղազարյանը
Քննարկումը տեղի կունենա
Մայիսի 22-ին, ժամը 14:00-ին
Երևան հյուրանոցի Ռոսինի սրահում:
Մասնակցությունը միայն նախնական գրանցումով՝
010 500 119:
