Սիվիլիթաս հիմնադրամ այցելեցին "Femme Courage Solidarite" հասարակական կազմակերպության ներկայացուցիչներ Լևոն Քեբաբչյանը և Արմեն Ալավերդյանը, ինչպես նաև Հայ Բարեգործական Ընդհանուր Միության Երևանի գրասենյակի ղեկավար Աշոտ Ղազարյանը:

Ապրիլի 22-ին Սիրիայի Հալեպ քաղաքում տեղի ունեցավ Վարդան Օսկանյանի “Անավարտ տասնամյակ” գրքի շնորհանդեսը: Միջոցառումը կազմակերպել էր Հայ Բարեգործական Ընդհանուր Միության Հալեպի շրջանային վարչությունը: Հալեպի հայ համայնքի ներկայացուցիչների անունից խոսք ասացին համայնքի տարբեր կազմակերպություների ղեկավարներ, հոգևոր առաջնորդներ: Ելույթ ունեցավ նաև գրքի անգլերեն հարատարակության խմբագիր Սալբի Ղազարյանը: Գիրքն անգլերեն վերնագրված է “Speaking to be Heard” (Խոսում եմ լսված լինելու համար):

Մարտի 31-ին Սիվիլիթասի խորհրդի նախագահ Վարդան Օսկայանը, խորհրդի անդամ Վահե Աղաբեգյանցը, ծրագրերի պատասխանատու Հայկ Պետրոսյանը և հանրային կապերի համակարգող Աննա Սաղաբալյանը այցելեցին Տավուշի մարզ` մասնակցելու Դիտավան համայնքի գյուղապետարանի շենքի պաշտոնական բացման և գյուղի զագիֆիկացման արարողությանը:

Գերմանիայի արտաքին գործերի նախկին պետնախարար Քրիստոֆ Զոպելը, որը Գերմանիայի սոցիալ-դեմոկրատական կուսակցության ղեկավար անդամներից է, մարտի 18-ին այցելեց Սիվիլիթաս հիմնադրամ: Պարոն Զոպելը հանդիպեց Վարդան Օսկանյանի հետ: Նրանք քննարկեցին ներքին և տարածաշրջանային խնդիրներ, ինչպես նաև համաշխարհային տնտեսական ճգնաժամի ազդեցությունը տարածաշրջանի վրա:

Հայաստանում, Թուրքմենստանում և Տաջիկստանում Իսրայելի դեսպան Շեմի Ցուրը մարտի 19-ին այցելեց Սիվիլիթաս հիմնադրամ: Դեսպան Ցուրը հանդիպեց Վարդան Օսկանյանի և Սալբի Ղազարյանի հետ: Հյուրին հետաքրքրում էր Սիվիլիթասի գործունեությունը, ինչպես նաև Հայաստանի ներքին և տարածաշրջանային խնդիրների վերաբերյալ կարծիքները:

Փետրվարի վերջին Սիվիլիթաս այցելեց Գերմանիայի խորհրդարանի անդամ Մարկուս Մեքելը: Քաղաքագետ, արևելագերմանացի նախկին այլախոհ, աստվածաբան Մարկուս Մեքելը Հայաստանում էր ճանաչողական այցելությունների շրջանակներում: Նա Գերմանիայի սոցիալ դեմոկրատական կուսակցության անդամ է և ներգրավված է գերմանական տարբեր հիմնադրամների աշխատանքներում: Նա նաև աջակցում է ժողովրդավարացման գործընթացների վրա կոմունիզմի թողած ազդեցության վերաբերյալ ուսումնասիրության անցկացմանը:

Փետրվարի 19-ին Սիվիլիթաս հիմնադրամ այցելեց Հայաստանում Շվեյցարիայի Համադաշնության արտակարգ և լիազոր դեսպան Լորենցո Ամբերգը (նստավայրը` Թբիլիսի): Դեսպան Ամբերգն ու Վարդան Օսկանյանը խոսեցին տարածաշրջանային զարգացումների մասին: Պրն Օսկանյանը հետաքրքրվեց Վրաստանի ներքաղաքական իրավիճակի, ռուս- վրացական օգոստոսյան բախման հետևանքների մասին: Շվեյցարիայի դեսպանը մասնավորապես հետաքրքրված էր Թուրքիա-Հայաստան հարաբերությունների վերաբերյալ Հայաստանում առկա տրամադրություններով: Քննարկվեցին նաև Սիվիլիթաս հիմնադրամի և Շվեյցարիայի զարգացման և համագործակցության գործակալության միջև նոր համագործակցության ծրագրերը:

Սիվիլիթասի հիմնադիր Վարդան Օսկանյանը դեկտեմբերին հյուրընկալվեց Եվրոպայի խորհրդի քաղաքական դասընթացների երևանյան դպրոցի կողմից: Դպրոցը կիսամյակային սեմինարներ է կազամկերպում Ծաղկաձորում, որտեղ դասախոսություններ են կարդում հրավիրված քաղաքական գործիչներ ու տարեբր ոլորտների մասնագետներ: Վարդան Օսկանյանը հրավիրվել էր դասախոսություն կարդալու դպրոցի` մոտ երկու տասնյակ ուսանողների համար, որոնք հանրային և պետական կառույցներում աշխատող երիտասարդ մասնագետներ են, ինչպես նաև հասարակական կազմակերպությունների ներկայացուցիչներ և լրագրողներ:

Դեկտեմբերի 4-ին Սիվիլիթաս հիմնադրամ այցելեցին Թուրքիայից ժամանած տասը երիտասարդ կինոգործիչներ,ովքեր Հայաստանում էին ՙԿինոն որպես երկխոսության և փոխըմբռնման միջոց՚ երկրորդ հայ-թուրքական կինոսեմինարին մասնակցելու նպատակով: Սեմինարը նախաձեռնել է ՙՈսկե ծիրան՚ փառատոնը` Անադոլու Քյուլթուրե ասոցիացիայի /Թուրքիա/ և Հայաստանի գրողների միության հետ համատեղ: Թուրք կինոգործիչները և սեմինարի կազմակերպիչները հանդիպեցին Սիվիլիթասի հիմնադիր Վարդան Օսկանյանի և Սիվիլիթասի աշխատակազմի հետ:

Սիվիլիթաս հիմնադրամը մասնակցեց Թբիլիսիում Հենրիխ Բյոլլ ինստիտուտում կայացած ՙԵվրոպական ռազմավարություն Հարավային Կովկասի համար՚ համաժողովին:

Սիվիլիթասի հիմնադիր Վարդան Օսկանյանը ելույթ ունեցավ ՙՊատերազմը Վրաստանում և դրա միջազգային հետևանքները՚ թեմայով քննարկման շրջանակներում: Քննարկմանը մասնակցեց նաև Վրաստանի վերաինտեգրման հարցերով պետ նախարար Թեմուրի Յակոբաշվիլին:

Սիվիլիթաս հիմնադրամ այցելեց ՀՀ-ում Իսրայելի դեսպան, (նստավայրը` Երուսաղեմ) Էհուդ Գյոլը:

Դեսպան Գյոլի ծառայության ժամկետը մոտենում է ավարտին, և ներկա ու նախկին գործընկերների հետ հրաժեշտի հանդիպումների շրջանակներում, նա հանդիպեց Սիվիլիթասի հիմնադիր Վարդան Օսկանյանի հետ: Պրն Գյոլը և պրն Օսկանյանը քննարկեցին տարածաշրջանային խնդիրներ, միջազգային քաղաքական զարգացումները և Հայաստան-Իսրայել հարաբերությունները:

Սիվիլիթաս հիմնադրամի հիմնադիր, Արտաքին գործերի նախկին նախարար Վարդան Օսկանյանը ելույթ ունեցավ Տորոնտոյի և Լոս Անջելեսի հայկական համայնքերի կազմակերպած միջացառումներին:

Հոկտեմբերի 24-ին, Տորոնտոյում Վարդան Օսկանյանը հյուրընկալվել էր Կանադա-Հայաստան գործարար խորհրդի կողմից: Հանդիսավոր ճաշկերույթը տեղի ունեցավ տեղի Տորոնտոյի Hilton Suites հյուրանոցում, հոկտեմբերի 24-ին:

Սիվիլիթաս այցելեցին Համագործակցության և զարգացման շվեյցարական գործակալության (SDC) ԱՊՀ գրասենյակի ղեկավարի տեղակալ Վերոնիկ Հալմանը, ծրագրերի պատասխանատու Սիբիլ Շուլցը և կազմակերպության Կովկասի տարածաշրջանային տնօրեն Դերեկ Մյուլլերը: Պատվիրակության կազմում էր նաև Ազգային ծրագրերի ավագ պատասխանատու Զառա Ալավերդյանը: Ամբողջությամբ
Սիվիլիթասի աշխատակազմի հետ հանդիպման ընթացքում գործակալության ներկայացուցիչները քննարկեցին համագործակցության որոշակի ոլորտներ գյուղական շրջանների տնտեսական զարգացման ծրագրերի շրջանակներում:

Հանդիպման ընթացքում պրն Լանդաբուրուն ներկայացրեց պրն Օսկանյանին Եվրամիության եվրոպական և տարածաշրջանային խնդիրների վերաբերյալ հեռանկարները, ներառյալ` ռուս- վրացական հակամարտությունը, Եվրոպական հարևանության ծրագիրը և այլն:

Սիվիլիթասի հիմնադիր, ՀՀ նախկին արտգործնախարար Վարդան Օսկանյանը ողջունեց Եվրամիության ներգրավվածությունը տարածաշրջանում, և հույս հայտնեց, որ ԵՄ-ն կարող է և պետք է ավելին անի մեր տարածաշրջանում:

Շվեդիայի Արտաքին գործերի նախարարության Արևելյան Եվրոպայի վարչության ղեկավար Ջոհան Ֆրիսելը այցելեց Սիվիլիթաս:

Պրն. Ֆրիսելը հանդիպում ունեցավ Սիվիլիթասի հիմնադիր Վարդան Օսկանյանի և տնօրեն Սալբի Ղազարյանի հետ: Նրանք քննարկեցին տարածաշրջանային խնդիրներ և հնարավոր համագործակցության հեռանկարները:

Գերմանիայի արտաքին գործերի նախարարության Հարավային Կովկասի և Կենտրոնական Ասիայի վարչության ղեկավար պրն Յոհաննես Ռեգենբրեխտը, ՀՀ-ում Գերմանիայի արտակարգ և լիազոր դեսպան տկն Անդրեա Վիկտորինի ուղեկցությամբ այցելեց Սիվիլիթաս:

Սիվիլիթասի հիմնադիր, նախկին արտգործնախարար Վարդան Օսկանյանի հետ հանդիպման ընթացքում պրն Ռեգենբրեխտը անդրադարձավ մի շարք խնդիրների` Հայաստանի ներքաղաքական իրավիճակից, միչև տարածաշրջանային խնդիրները: